Истражувајќи ја оваа блиска егзопланета, научниците открија дека по големината е многу слична на Земјата, дели некои карактеристики, но сепак е прилично различна.
Нашата галаксија претставува огромно пространство во кое се сместени најмалку 100 милијарди планети, за кои за сега е невозможно да се знае многу за нив. Но, научниците ги вложуваат сите напори за барем еден дел од нив да ги испитаат, или барем оние најинтересните, и да дадат одговор на прашањата кои со децении ги мачат. Како она: зошто само на нашата планета настанал живот и дали постои друга планета слична на нашата?
Еден од начините да одговорат на ваквите и слични прашања претставува и проучувањето на планети слични на Земјата, или со други зборови, планети со слична големина, состав, температура и маса, а можеби и цел планетарен систем. Пред сѐ оние кои кружат релативно блиску до мали ѕвезди, бидејќи кај нив е најлесно да се испита атмосферата. Но, она што ја отежнува работата кога станува збор за нивното проучување, е тоа што таквите е многу потешко да се пронајдат отколку големите планети. Досега внатре во Сончевиот Систем на оддалеченост од 100 светлосни години се откриени само 14 планети кои одговараат на описот.
Меѓутоа, сега во нивно друштво потенцијално се најде и K2-415B, егзопланета чиј полупречник е за 1,015 пати поголем од земјиниот. Неа ја откри меѓународен тим истражувачи на чело со Терујуки Хирано од Астролошкиот центар во Јапонија, на основа на податоци од „пензионираниот“ телескоп Kepler и неговиот наследник TESS. Имено, со детална анализа на собраните информации како количина на ѕвездена светлина и нишање, откриени се многу сличности кои ги дели со Земјата, но и една важна разлика - нејзината маса е трипати поголема од нашата планета, што значи дека е погуста.
Според тоа, таа е и поблиску до својата ѕвезда, бидејќи има орбитален период од само 4 дена. Кога станува збор за нејзината атмосфера, сѐ што научниците за сега знаат е дека таа навистина се наоѓа внатре во животопогодниот појас, што им дава можност подетално да ја проучат нејзината атмосфера. Во нашиот Сончев Систем, на пример, Венера се наоѓа внатре во истиот меѓуѕвезден појас, но нејзината атмосфера е густа и опкружена од рефлектирачки облаци сочинети од сулфурна киселина. Поради тоа, научниците сметаат дека нешто слично се случува и на K2-415B, но и дека нејзиниот систем претставува одлична почетна точка за изучување на настанокот на животот на планетите.
