Ново истражување покажа дека подоцнежната бременост има позитивно влијание врз менталното здравје на мајката.
На жените постојано им кажуваат дека нивниот „биолошки часовник отчукува“, ги охрабруваат и поттикнуваат да забременат пред да биде „доцна“ и слично. Сепак, новото истражување покажа дека доцната бременост има позитивно влијание врз психолошкото здравје на мајката.
Иако многу истражувања претходно покажаа дека подрастично опаѓање на плодноста не се случува пред 40-тата година и дека не треба да се плашите од неплодност во триесеттите, новото истражување покажа уште една предност на бременоста по 35-тата година.
Истражувањето е објавено во Journal of the American Geriatrics Society, а истражувачите откриле дека подоцнежната бременост позитивно влијае на мозокот на мајката, односно го спречува губењето на меморијата подоцна во животот.
Истражувањето било спроведено на 830 жени во постменопауза и биле тестирани нивната вербална меморија, функционални вештини и општи перцепции. Истражувачите ја разгледале возраста кога жените го добиле првиот циклус, кога забремениле, бројот на бремености и други фактори за да го проценат влијанието на бременоста и возраста на жената врз нивното ментално здравје.
Тие откриле дека учесниците чија последна бременост била по 35-годишна возраст имале подобра меморија, а оние кои го добиле првиот циклус пред 13-тата година имале подобра општа перцепција. Исто така, истражувањата покажаа дека жените кои го добиле своето прво дете на возраст од 15 до 24 години имале послабо здравје и функционални вештини во четириесеттите години.
Големото зголемување на нивото на хормоните за време на бременоста позитивно влијае на мозокот на мајката, а истражувачите заклучиле дека поради подоцнежната бременост, овие позитивни промени во мозокот траат подолго.
„Иако не е доволно да ги советуваме жените да чекаат до 35-тата година за да родат друго дете, нашето знаење за позитивното влијание на бременоста по 35-тата година врз здравјето на мајката подоцна во животот е многу значајно“, велат од авторот на истражувањето, д-р Роксана Карим. Значи, ако некој некогаш ви каже дека вашиот „биолошки часовник отчукува“, само кажете му дека бројките не лажат.