Огромната океанска риба која беше откриена во близина на португалските острови Азори постави нов светски рекорд кога е во прашање тежината.
Морскиот неман тежок речиси 3 тони беше откриен на 9 декември 2021 година додека безживотно го носеле брановите покрај бреговите на азорскиот остров Фајал, меѓутоа рибарите одлучиле да ја однесат на пристраништето за научниците детално да ја проучат. Извршиле некропсија и утврдиле дека се работи за многу редок примерок.
При некропсијата на џиновската сончева риба - Mola alexandrini, утврдено било дека нејзината должина е 3,6 метри, а тежината околу 2.744 килограми. Испитана била и содржината на желудникот, земени примероци од нејзината ДНК и испратени на дополнителна анализа. Главниот автор на студијата, Жузе Нуну Гомеш-Перејра објасни како мртвата риба некогаш била навистина „величествен примерок“ и додаде дека во вода изгледала уште пострашно.
Претходниот светркси рекорд го држеше примерок од истиот вид уловен во Јапонија во 1996 година, а како што е наведено во Гинисовата книга на рекорди тежел 2.300 килограми. И пред овие два откриени примероци се сметало дека овој вид на риба е една од најголемите во светот, иако порано видот бил погрешно класифициран како необично големи единки од обична океанска сонлева рива - Mola mola. Сепак, она што навистина им е заедничко е тоа што често се сончаат на површпината од океаните - поради што и го добиле името сончева риба.
Научниците денес претспооставуваат дека тоа го прават за да се загреат пред да нурнат во длабочините - во темните и ладни води каде ловат храна. Огромни примероци се пронајдени во водите ширум светот, иако воглавно растат до половина од најголемиот примерок виден на крајот од минатата година.
Од друга страна, рибари во Камбоџа во мај годинава успеаја да ја уловат најголемата слатководна риба во светот - Urogimnus polilepis, долга 4 метри и тешка околу 300 килогарми.
Студијата е објавена во списанието Journal of Fish Biology.
