Откритија на фосилизирани остатоци на крокодили во Перу, кои датираат пред 7 милиони години, ќе им помогнат на палеонтолозите подобро да ги сфатат денешните крокодили.
Членови на истражувачки тим од Перу анализирале новооткриени фосилизирани остатоци од крокодили, а сметаат дека тогашните крокодили веројатно го минале Атлантскиот Oкеан до брегот на Јужна Америка и на крајот се населиле во подрачјето на денешен јужен Перу.
Истражувачот Родолфо Салас изјави дека во последните години неговиот тим успеал да собере делови од костури на крокодили, а по пронаоѓањето на коски во перуанската пустина Сакако во 2020 година, тој и колегите постепено дошле до сознанија за еволуцијата на овие животни по животот во солените океански води.
„Новооткриениот вид крокодил што го претставуваме живеел пред 7 милиони години“, изјави Салас за видот наречен Sacacosuchus cordovai.
Според фосилните остатоци, доказите укажуваат дека предокот на крокодилите бил долг околу 4 метри.
„Заклучивме дека сите морски крокодили имале долгнавести глави и постоеле два морфотипофи, еден кој се хранел исклучиво со риба и втор, кој јадел буквално се“, вели Салас.
Студијата е објавена минатата недела во британското научно списание The Royal Society.