„Hubie Halloween“ со Адам Сендлер стана најуспешен филм на Netflix во 2020 година, постигнувајќи огромен успех по премиерата на 7 октомври.
Сендлер во филмот толкува улога на губитник кој на крајот станува најголема надеж во заедницата откако ќе им се случи очајна Ноќ на вештерките.
Иако критичарите не беа наклонети кон филмот, публиката не мисли така. Овој филм стана најгледан оригинален Netflix филм во САД, во периодот меѓу април и октомври годинава.
Единствениот филм со повеќе прегледи е полската еротска драма „365 Days“, кој стана глобална сензација.
Успехот на Hubie Halloween најверојатно е последица и од однесувањето на луѓето со оглед на пандемијата. Факт е дека повеќето Американци ги минуваат деновите во домовите, се снимаат сè помалку филмови, а киносалите примаат помалку посетители од вообичаено. Како и да е, комедијата со Адам Сендлер го привлече вниманието на луѓето.
