Продажбата на автомобили во ЕУ падна во март за прв пат од почетокот на годината, соопшти денеска здружението на производители ACEA.
Еден милион нови автомобили се регистрирани во ЕУ во март, за 5,2 отсто помалку од истиот месец лани, пресмета ACEA. Во февруари скокна за 10,1 отсто.
Европскиот пазар на електрични автомобили за батерии падна во март двојно повеќе од пазарот како целина, за цели 11,3 отсто, пресмета ACEA, истакнувајќи го падот од 28,9 отсто во Германија. Сепак, пазарниот удел на електричните автомобили незначително се зголеми во однос на февруари, на 13 проценти.
Во првиот квартал од оваа година, европскиот пазар за нови автомобили порасна за 4,4 отсто, со регистрирани 2,8 милиони возила, пресмета ACEA. Меѓу водечките пазари, Италија и Франција забележаа најголем раст, со стапка од 5,7 отсто. Следуваат Германија и Шпанија со пораст на продажбата од 4,2 односно 3,1 отсто.
Вториот пад на побарувачката во последните четири месеци во голема мера се должи на укинувањето на државните субвенции за електрични возила, по кои, според падот на интересот на купувачите, следат оние со дизел мотори.
Продажбата на електрични автомобили во истиот период паднала за цели 11 отсто, објави Европската асоцијација на производители на автомобили (ACEA). Една од главните причини за тоа е фактот што опаѓа интересот на клиентите на некои од клучните пазари за овој тип возила, во Германија, Шведска и Норвешка.
Ова е втор пад на побарувачката во изминатите четири месеци, што доаѓа откако државите постепено ги укинуваат некогаш дарежливите субвенции за купување електрични возила. Во исто време, производителите на автомобили се соочуваат и со економски притисоци кои доаѓаат како резултат на зголемувањето на каматните стапки и послабиот економски раст.
Една од последиците на ваквиот тренд е фактот што производителите почнуваат да ги преиспитуваат своите планови за прекин на производството на мотори со внатрешно согорување или размислуваат да се откажат од своите планови и цели за производство на електрични возила.
Една од највисоките стапки на пад - дури 34 проценти - е забележана на италијанскиот пазар, а причината поради која клиентите се двоумат да купат нови автомобили може да биде тоа што италијанската влада ја разгледува можноста за воведување нови субвенции.
И Германците во голем процент се откажуваат од новите автомобили, па така продажбата на електрични возила на локалниот пазар падна за 29 отсто. Не помогна многу ниту мерката што ја презедоа некои производители, како на пример Volkswagen, кои воведоа сопствени попусти во обид да го надоместат недостигот од субвенции.
И додека на електричните автомобили „не им цветаат ружи“, возилата со хибриден погон постигнаа раст на продажбата од 0,7 отсто, што ја надмина продажбата не само на електричните, туку и на автомобилите со бензински мотори, чија продажба, меѓу март и март, падна за 8 проценти.
Во неелектричниот сегмент, најлошо поминаа дизелите, кои денес ги бараат 18 отсто од клиентите отколку пред помалку од една година.
Ако се повлече линија под најновите податоци на Европската асоцијација на производители на автомобили, ситуацијата на европскиот пазар изгледа вака: најголем удел имаат бензинските автомобили со 35,4 отсто, додека електричните автомобили заземаат 13 отсто од пазарот.
