WhatsApp има проблеми, корисниците не можат да испратат, ниту да примат пораки ни повици.
На Downdetector се пријавени проблеми со функционирањето на апликацијата, а најмногу тешкотии пријавија со групните разговори. Од Meta излегоа со соопштение поради проблемите со кои корисниците ширум светот се соочија со апликацијата.
Во сопственост на Meta се и Facebook, Instagram и Oculus, а во соопштението ја уверуваат јавноста дека компанијата презеде дејство за проблемот наскоро да биде решен.
Во изјава за Reuters, од Meta велат дека се свесни за проблемите со кои моментално се соочуваат корисниците кои не можат да испраќаат пораки, но се работи на нивно отстранување.
Од Meta не прецизираа какви проблеми има апликацијата, ниту кога ќе бидат решени истите.
