Со голот на Горан Пандев репрезентацијата на Македонија има изненадувачко водство на гости кај велесилата Германија по првите 45 минути.
Германците ја контролираа играта во првиот дел, го имаа поседот, имаа и пречка, но не успеаја да го најдат патот до мрежата на Столе Димитриевски.
Затоа, казната стигна во судиското надополнување кога по една контра Енис Барди одлично го пронајде капитенот Пандев кој ја искористи лошо поставената офсајд стапица и лесно ја внесе топката во мрежата на Марк-Андре тер Штеген.
Македонија води во Дујсбург, но има уште 45 минути, ништо не е готово.
