78. Венецијанска Мостра, најстариот филмски фестивал во светот, беше отворен вчеравечер со најновото дело од опусот на Педро Алмодовар, „Parallel Mothers“ кој ќе се бори за Златниот лав во конкуренциија на Џејн Кемпион и Паоло Сорентино.
Двократниот оскаровец, во трката за најголемата награда во Венеција, пристигна на Лидо за да го претстави „Parallel Mothers“, филм со Пенелопе Круз во главната улога како една од двете самохрани жени кои се породиле во иста болница.
Режисерот и неговата муза, облечени во црно, дефилираа на црвениот килим распослан на Лидо покрај морето, каде беа собрани голем број фоторепортери, но пради мерките против ковид немаше публика што би можела да се доближи до ѕвездите.
Фестивалот во Венеција годинава блесна во целиот свој сјај откако лани имаше пригушено издание, а меѓу звездите најсилно светна Пенелопе Круз која ги остави присутните без здив со својата појава.
Други наслови кои се борат за наградата Златен лав за најдобар филм се „The Power of the Dog“ во режија на Џејн Кемпион со Бенедикт Камбербач како ранчер кој злоставува млада вдовица (Кирстен Данст) и филмот „Spencer“ со Кристен Стјуарт како принцезата Дијана.
Паоло Сорентино излегува со многу личен и интимен филм за загубата на неговите родители кога имал 17 години.
За време на свеченото отворање, почесниот Златен лав му беше доделен на Роберто Бенињи, незаборавниот автор на филмот „La Vita e Bella“.
„Parallel Mothers“ ќе се бори за главната награда со дваесетина филмови пред жирито предводено од Бонг Џон-Хо од Јужна Кореја, добитник на Златната палма 2019 и Оскар за најдобар филм следната година за „Parasite“
Добитниците на наградите ќе бидат сопштени на 11 септември.
