Пензионерите во Шпанија добиваат бонус за кој многумина можат само да сонуваат.
Овој бонус е достапен за шпанските граѓани, како и за странците кои живеат во оваа земја.
Станува збор за бонус во износ од 115 евра за пократок одмор и 455 евра за подолг одмор. Владата го воведе во 2021 година среде зголемениот број на патувања по пандемијата на коронавирус, а целта беше на пензионерите да им се обезбеди поволен одмор во Шпанија. Освен што се заштедуваат пари за пензионерите, се подобрува и нивното здравје и квалитетот на животот.
Понатаму, бенефит има туристичкиот сектор, но и останатиот дел од економијата, бидејќи најголем дел од субвенционираните патувања се во ниската сезона, т.е. во периодот од октомври до јуни. Тоа значи дека повеќе луѓе ќе се вработат во туризмот на подолг период.
При изборот кој ќе ја добие субвенцијата, приоритет имаат оние со пониски пензии, многудетните, оние кои првпат аплицирале за субвенција и оние кои се подготвени да патуваат меѓу октомври и јуни. Може да патуваат сами, со брачен другар или со дете кое има попреченост.
Најголем дел од субвенционираните патувања се во Шпанија, а дел од патувањата се во Португалија. Субвенцијата за пократки одмори кои траат во просек четири дена и се во внатрешноста на државата изнесува 115 евра. Субвенцијата за подолги одмори кои траат во просек по 10 дена и се во крајбрежни или островски области изнесува 455 евра. Субвенцијата обично покрива превоз, сместување, оброци, полиса за осигурување и пристап до социо-културна програма.
Шпанските власти имаат намера да ги субвенционираат патувањата на пензионерите и во други европски земји, пренесува Euronews.
