Магазинот People објави листа на славни личности кои ја заслужуваат титулата „личност на годината“, а на неа има три жени и еден маж.
Меѓу нив се актерот Метју Меконахи, Мила Кунис, Квинта Бренсон и пејачката Џенифер Хадсон кои се истакнаа со хуманитарна работа и несебично помагање во текот на 2022 година.
„Кога родниот град на Метју Меконахи беше погоден од масовно пукање во јули, 2022 година, при што настрадаа 19 деца и двајца вработенит во училште, актерот и неговата сопруга Камила брзо се вратија во Јувалди, Тексас.
Немаа план, едноставно почнаа да разговараа со семејствата на жртвите и веднаш сфатија колку родителите сакаат животите на нивните деца да бидат важни. За да поттикнат реформи за поседување оружје, двојката пред застапниците во американскиот Конгрес изнесе предлог за усвојување нацрт на законот за ограничување до пристап на оружје. Еден месец подоцна, законот беше усвоен“, пишува People.
Американската писателка и продуцентка Квинта Брaнсон е заслужна за серијата „Abbott Elementary“. Целта ѝ беше да покрене серијал што ќе го премости генерацискиот јаз и ќе ги насмее луѓето.
„Важноста на смеењето и заедничкото смеење на исти работи има исцелителна моќ. Не постои нешто поубаво од насмевката бидејќи така се градат и зацврстуваат односите меѓу луѓето“, изјави таа.
Пејачката Џенифер Хадсон со новата шоу програма направи „платформа за сите, така што сите имаат место каде ќе се чувствуваат вклучени“. Џенифер емисијата ја започна затоа што во 41 година од живоотот стана најмладата жена која има постигнато ЕГОТ (ги има освоено наградите Еми, Греми, Оскар и Тони).
По руската инвазија на Украина, актерката Мила Кунис веднаш одлучи да им помогне на Украинците.
„Со оглед на тоа дека потекнувам од Украина, пријателите ме прашуваа кому можат да се јават за донации и јас веднаш знаев дека морам да помогнам“.
Тоа што не знаела од каде да почне не ја премислило.
„Немавме решение, па го создадовме“, изјави Кунис.
До денес собра над 37 милиони долари за бегалците од војната во Украина.
