Манчестер Сити синоќа доживеа шокантна елиминација во третото коло од Лига купот против Њукасл, оставајќи го без шанса да ги освои сите четири трофеи оваа сезона.
На Сент Џејмс Парк беше поразен од Александер Исак со голот кој го постигна во 53. минута од натпреварот.
Тренерот на оваа екипа, Пеп Гвардиола, по натпреварот се обиде да најде алиби за испаѓање.
„Мислите дека целта беа четири титули? Искрено, навистина не беа. Ќе бевме повеќе од задоволни со тројната круна. Нашите очекувања се големи, но не толку високи за да не се задоволиме со три титули“, изјави шпанскиот стручњак.
Пеп на теренот донесе мешана екипа и не сакаше да ги замори главните сили на тимот, како Вокер и Холанд, кои останаа на клупата.
„Не. Мислам дека двајцата веќе одиграа многу минути, а имаме уште многу натпревари пред нас. Ми текна да го претставам Холанд во последните 10 или 15 минути, но решив да не го направам тоа“, изјави Пеп.
Да потсетиме, минатата сезона Сити ја освои тројната круна – Премиер лига, ФА куп и Лига на шампиони.