Веста дека Брус Вилис се повлекува од светот на филмот, бидејќи боледува од афазија, направи повторно да станеме свесни за неговиот долгогодишен придонес за седмата уметност.
Славниот актер во последните четири децении беше една од најголемите холивудски ѕвезди, а за тоа време успеа да со појави во вистински филмски ремек-дела.
Ова се дел од улогите кои ја одбележаа неговата кариера како актер:
Die Hard (1988)
Во овој акционен класик ја толкува улогата на Џон Меклен, детектив од Њујорк кој заминува во Лос Анџелес со цел да го мине Божиќ со семејството, како и да се смири со сопругата. Ова второво одлучува да го направи во канцелариската прослава на фирмата во која работа неговата сопруга, но неговиот план ќе биде уништен од терористи кои ќе упаднат на забавата.
The Last Boy Scout (1991)
Во овој филм, со елементи на акција, толкува депресивен детектив кој ќе биде вовлечен во завера на гангстери, корумпирани политичари и бескрупулозен сопственик на спортски клуб кој се натпреварува во рагби.
Pulp Fiction (1994)
Во овој филм, чиј режисер е Квентин Тарантино, Вилис толкува улога на боксер кој ветува дека намерно ќе изгуби борба во корист на мафијашки бос. Меѓутоа, потоа одлучува да го измами криминалецот и да се обложи на себе, што ќе го доведе до непријатна ситуација.
Twelve Monkeys (1995)
Ова е научнофантастичен филм за затвореник кој доаѓа од не баш толку сјајна иднина, научниците го испраќаат во минатото за да открие кој стои зад смртоносниот вирус кој означи крај на човечката цивилизација, со цел да го запре ширењето.
Главната улога на Џејмс Кол ја толкува токму Брус Вилис.
The Sixth Sense (1999)
Во овој трилер, Вилис ја толкува улогата на детски психолог кој за пациент го има деветгодишниот Кол, кој тврди дека може да разговара со мртвите. Овој филм беше еден од најуспешните во кариерата на Вилис, особено остана запаметен кај публиката поради големиот пресврт на крајот на филмот.