Жерард Пике пред два месеци се збогува од фудбалот, но изгледа дека сега ја промени таа одлука.
Пике емотивно се прости од Барселона за која одигра 615 натпревари, а шпанските медиуми пишуваат дека сепак ќе ја продолжи кариерата.
На почетокот на февруари Пике ќе наполни 36 години, а според медиумите, ќе го облече дресот на шпанскиот второлигаш Андора, чиј сопственик е токму тој.
Сепак, постојат препреки за да го видиме Пике повторно на терен. Со заминувањето од Барселона, Пике се откажа од 30 милиони евра кои требаше да ги добие до летото 2024 година, па неговата плата може да биде проблем за Андора.
Финансиската комисија на Ла Лига треба да ги процени неговите примања, односно дали е реално второлигашот да може да му плати.
На Андора ѝ е дозволено да плаќа најмногу 7 милиони евра годишно, а според правилата Ла Лига дозволува двојно помала плата од досегашната, па Пике треба да добие посебна дозвола.
