Босанскиот репрезентативец Миралем Пјаниќ вели дека Блискиот Исток е иднината на фудбалот и дека земјите од овој дел на светот имаат што да им понудат на фудбалерите.
Пјаниќ е жител на Обединетите Арапски Емирати од септември 2022 кога од Барселона премина во редовите на во Ал Шарџа.
„Среќен сум во Обединетите Арапски Емирати, живеам во Дубаи и многу сум ентузијастичен. Сакам да дадам сѐ од себе и да ги освојам титулите што можат да се освојат, сакам да се пласирам во азиската Лига на шампиони. Квалитетот на фудбалот е добар, очигледно е различно од европскиот, но мене ми се допаѓаат Емиратите, организацијата е одлична, имаме добар тренер и многу сум позитивно изненаден“, изјави Пјаинќ за Tuttosport.
Потоа италијанскиот медиум го праша за тоа како го гледа Блискиот Исток во иднина, во контекст на фудбалот.
„Кристијано отиде во Ал Наср, кој е многу амбициозен клуб. Сигурен сум дека Блискиот Исток ќе биде иднината на фудбалот, има земји кои имаат што да понудат, но целосниот потенцијал сѐ уште не е дојден до израз. Сигурно и таму ќе се развива фудбалот, затоа велам дека изборот на Кристијано воопшто не ме изненади. Нивото на фудбалот во Арабија не е лесно како што мислат луѓето, а неговата одлука ќе доведе до голем раст на фудбалот во целата земја, како и меѓу арапските деца“, рече Пјаниќ.
