Играчот од средниот ред на Барселона открива дека имал отворена понуда да игра за репрезенатцијата на Франција кога категорично ја одбил за да ги брани боите на Босна и Херцеговина.
Мирален Пјаниќ е роден во Тузла, но уште како мал со неговите замина во Луксембург бегајќи од војната во Југославија. Во 2004 година се префрли во младинската школа на француски Мец. Заиграл за младинските репрезентација на Луксембург, земјата во која израсна, но бидејќи мина пет години во Франција се стекна со право да настапува и за таа репрезентација.
Во 2008 година францускиот селектот Ремон Доменек му упатил повик, но Миралем одбил.
„Да, можев да заиграм за Франција кога пристигнав во Лион, но веќе имав кажано дека мојот сон е да играм за Босна“, вели Пјаниќ говпрејќи за Canal+.
„Доменек ми се јави, но веќе бев решен. Му се заблагодарив, се разбира, но претпочитав да бидам реален“.
Истата година дебитираше за Босна и Херцеговина за која до денес има 95 натпревари и 15 постигнати голови, а настапи и на Мундијалот во Бразил во 2014 година.
„Францускиот тим, за мене, во тоа време беше премногу. А, од друга страна и ќе ми се скршеше срцето доколку направев Босна да гледа како нејзин играч настапува за Франција“.
Пјаниќ денес е заменик-капитен на својата репрезентација, а во тимот е и за претстојните натпревари против Иран (12-ти, пријателска), Холандија (15-ти, Лига на нации) и Италија (18-ти, Лига на нации).