Арнолд Шварценегер на својот Instagram профил објави фотографија со легендарниот Дени Девито, а фановите кои ги гледаа во филмот „Twins“ беа воодушевени од нивното повторно обединување.
Арнолд позираше со легендарниот актер Дени Девито и неговата ќерка Луси Девито, а фотографијата многумина потсети на комедијата „Twins“ (Близнаци) од 1988 година во која глумеа заедно.
„Мојот брат! Беше фантастично да се види Дени на Бродвеј во 'I Need That'. Тој, Луси и сите вклучени ја забавуваа публиката, ја насмеаа и уживаа во секоја минута - една од најдобрите претстави што сум ги видел, вистински спектакл“, напиша Арнолд во описот и го пофали новиот потфат на својот пријател.
По одличниот филм „Twins“, Арнолд и Дени планираа да направат продолжение - на проектот се работи веќе некое време, но беше одложен откако режисерот на оригиналниот филм, Иван Рејтмен, почина на 75-годишна возраст во февруари 2022 година. Студиото Universal го најави продолжението уште во 2012 година.
Рајтман требаше да се врати за продолжението, во кое браќата ќе откријат дека се тројка, па оттаму и продолжението ќе се вика „Triplets“.
Имаше знаци дека Еди Марфи ќе ѝ се приклучи на екипата во продолжението, а неодамна излезе информација дека Трејси Морган наводно треба да ја преземе улогата.
„Рејтмен навистина сакаше да го направи тоа. Јас многу сакав да го направам. Дени Девито силно сакаше да го направи тоа. Но, кога Рејтмен почина, неговиот син реши да стави сè на чекање“, изјави неодамна Арнолд.
Сепак, фановите нема да бидат разочарани бидејќи Арнолд откри дека работи на нов филм со Дени.