Кога дојде, кога се фати за метлата. Аргентинскиот стратег Маурисио Почетино само што пристигна во Челси веднаш почна да прави чистка за тоа кои играчи нема да му се потребни.
Прв кој ја доби метлата на Аргентинецот е португалскиот фудбалер Жуау Феликс, чија позјамица од мадридски Атлетико нема да биде продолжена, ниту пак ќе му биде откупен договорот. Тој по само една сезона на „Стемфорд Бриџ“ ќе се врати во Мадрид.
Во договорот за појамица Челси имаше опција да го откупи, но Почетино веднаш ја отфрли таа можност бидејќи не го планира во тимот. За ваквата одлука бил известен Атлетико.
„Вистината е дека не можам да кажам каков е планот со Жуау. Новиот тренер не го сака во Челси. Ќе се врати во Мадрид, ништо немаме испланирано“, изјави Енрике Сересо, претседателот на Атлетико.
Британските медиуми јавуваат дека Почетино почнал со чистка за да го реконструира тимот онака како што нему му одговара. Чесли сезонава заврши на разочарувачкото 12-то место, па не е чудно што новиот стратег сака да се ослободи од повеќето играчи.
Почетино летово ќе тргне во поход по нов голман, играч од средината и напаѓач, а планира да се ослободи од најмалку 14 фудбалери кои според пресметките треба да му донесат 320 милиони евра за трансфери.
Покрај Жуау Феликс, Почетино на списокот со играчи на кои не рачуна ги ставил и Кристијан Пулишиќ, Матео Ковачиќ, Хаким Зијеш, Н'Голо Канте, Калиду Кулибали, Пјер-Емерик Обамејанг, Сесар Аспиликуета, Денис Закарија, Калум Хадсон-Одои, Мејсон Маунт, Конор Галагер, Тревох Чалоба и Рубен Лофтус-Чик.
