Почна пролетниот дел во 1.МФЛ, на стартот Шкупи подобар од Шкендија

Домашниот фудбал по зимската пауза продолжи синоќа со второлигашките натпревари, а денеска топката ја тркалаа и прволигашите.

На стартот веднаш на програмата се најде дербито помеѓу Шкупи и Шкендија, кое поради суспензијата на теренот во Чаир се играше без публика во Кичево. Шкупи успеа да слави со головите на Костариканецот Фреди Алварес и на Трапановски и практично ја отпиша Шкендија од борбата за врвот.

Лидерот Струга гостуваше во Кавадраци кај Тиквеш и мораше да спасува реми. Домаќините имаат водство до самиот крај кога Кочоски во 88. минута донесе бод за лидерот.

Работнички имаше победнички старт славејќи на гостувањето во Прилеп, со што направи голем чекор напред кон обезбедувањето опстанок.

Штипска Брегалница ја разочара својата публика откако одигра без голово против фенерџијата Скопје, а разочара и Македонија ЃП која на свој терен загуби минимално од Академија Пандев која освои огромни 3 бода во борбата за опстанок.

Шкупи - Шкендија 2:0
36' Фреди Алварес, 90'+3 Кристијан Трапановски

Тиквеш Струга 1:1
43' Александра Мишов - 88' Валентин Кочоски

Победа - Работнички 0:2
14' Дејан Ѓуриќ, 89' Крсте Велкоски

Брегалница - Скопје 0:0

Македонија - Академија Пандев 0:1
74' Михеил Ергемлидзе

Слободен беше Силекс.

1. Струга 38
2. Шкупи 37
3. Шкендија 28
4. Тиквеш 27
5. Силекс 26
6. Брегалница 22
7. Работнички 21
8. Македонија 20
9. Академија Пандев 15
10. Победа 13
11. Скопје 12