Британската компанија White Motorcycle Concepts започна со тестирање на својот мотоцикл со радикален дизајн кој се очекува да го собори рекордот за максимална брзина.
Станува збор за мотоциклот WMC250EV кој се карактеризира со радикален дизајн задолжен за драстично намалување на коефициентот на отпорност на воздух. По неколкумесечен развој, концептот сега е во тест фаза на асфалтот. Директорот на компанијата и главен мотоциклист, Роберт Вајт, потврди дека се извршени некои од првите тестови.
Кога станува збор за дизајнот, мотоциклот напред има централна празнина што овозможува да поминува воздух, а таков дизајн никогаш не бил виден во светот на мотоциклите. Покрај оваа промена на дизајнот, тимот кој го развива мотоциклот се одлучи за целосно електричен погон.
Целта е да се собори светскиот рекорд од 402 километри на час, а тимот моментално тестира прототип на јаглерод.
Сепак, развојот е сѐ уште во тек, па љубителите на брзината треба да знаат дека мотоциклот во моментов не е особено брз, бидејќи главната цел на првите тестови е да се соберат податоци во реални услови. Прототипот се напојува со 60V систем кој испорачува само 100 kW енергија.
„Избравме одмерен и контролиран пристап кон нашата програма за тестирање за да се осигураме дека ниту еден камен не останува непревртен. Со оглед на досегашното собирање податоци, мојата самодоверба постојано расте“, вели Вајт.
Конечната верзија на мотоциклот ќе има 800V систем кој треба да произведе доволно енергија за да го собори рекордот во брзина. Тестирањето ќе продолжи до крајот на оваа година, а обид за соборување на рекордот е планирано за следното лето и тоа во Боливија.
Покрај соборувањето рекорди, компанијата работи со индустриски партнери за да ги користи нивните патентирани технологии за мотоцкликлите кои од идните генерации.
