Долгоочекуваната игрица „Gran Turismo 7“ денеска официјално пристигнува на пазарот, а благодарение на клипот објавен на видео сервисот YouTube, може да се види како ќе изгледа на достапните конзоли.
Корисниците на PlayStation 4, PlayStation 4 Pro и PlayStation 5 ќе можат да уживаат во играта „Gran Turismo 7“. Новата игрица пристигнува по повеќе од осум години откако „Gran Turismo 6“ се појави во 2013 година додека PlayStation 3 беше во сила.
Според првите реакции, се чини дека долгорочниот развој на со нетрпение очекуваната игрица ќе се исплати, бидејќи интересот за оваа реална симулација на трки со автомобили е огромен. „Gran Turismo 7“ носи многу егзотични автомобили, многу патеки, голем број опции за модификација на автомобили и многу повеќе.
Погледнете како изгледа игрицата на конзолите PS4, PS4 Pro и PS5 на Sony во приложеното видео.
