За освежителна вечера во летните горештини подгответе похувани сендвичи од тиквички.
Од тиквички може да се направат најразлични јадења, а похуваните спаѓаат во оние јадења што сите сакаат да ги јадат. Наш денешен предлог е да пробате да направите мини седвичи во кои улогата на леб ќе ја имаат парчиња тиквички. Помеѓу две парчиња од овој летен зеленчук ставете кашкавал и шунка, потоа валкајте го секој сендвич во смесата за похување и пржете.
Потребни состојки:
- 3 тиквички
- 150 гр шунка
- 150 гр кашкавал
- 2 јајца
- брашно
- презла
- сол
- масло
Подготовка:
Исечете ги тиквичките на парчиња по должина. Посолете ги и оставете ги кратко за да го пуштат вишокот вода, па добро избришете ги со хартија. Потоа на едно парче тиквичка наредете шунка и кашкавал, па преклопете со друго. Секој сендвич валкајте го прво во брашно, па во изматените јајца, па на крај во презлата. Испржете ги во загреано масло.
