Во тек е 75-тата сезона во НБА, а по тој повод раководството на лигата го организираше изборот на најдобрите Европејци во историјата на најсилната светска кошаркарска лига.
Избрани се две петорки, а од десет играчи дури петмина се од поранешна Југославија.
Тимовите беа избрани од навивачи од Европа, како и претставници на европски медиуми, радиодифузери и влијателни и познати личности.
Најдобрите пет во историјата се Лука Дончиќ (Словенија), Јанис Адетокумбо (Грција), Пау Гасол (Шпанија), Дирк Новицки (Германија) и Тони Паркер (Франција).
Најдобриот втор европски НБА тим го сочинуваат Никола Јокиќ (Србија), Предраг Стојаковиќ (Србија), Дражен Петровиќ (Хрватска), Тони Кукоч (Хрватска) и Арвидас Сабонис (Литванија).
Новицки, кој играше за Далас Маверикс во текот на неговата 21-годишна НБА кариера, доби најмногу гласови.
