Сакавте да ја преземете Death Stranding Director's Cut? Ќе мора да почекате.
Откако продавницата на Epic Games објави дека ја подарува играта Death Stranding Director's Cut, налетот на гејмерите кои не сакаа да го пропуштат овој хит наслов предизвика паѓање на серверот на платформата Epic.
Според сајтот Downdetector, повеќе од 2.500 луѓе за кратко време пријавиле дека нешто не е во ред, а според коментарите може да се види дека најчести проблеми се неможноста да се стартува Epic Games Store, неможноста да се најавите, како и неможноста бесплатно да ја преземете играта Death Stranding.
Кога гејмерите сакаат да додадат нова бесплатна игра во својата колекција, трансакцијата или бескрајно се вчитува или ги враќа на почетната страница. Оние кои ќе успеат да се логираат и потоа да ја додадат играта во својата „количка“ го пријавуваат истиот проблем.
Се чини дека ќе треба да почекаме Epic да го реши проблемот пред да можеме да ја преземеме Death Stranding Director's Cut, но не е јасно кога тоа ќе се случи. Само се надеваме дека нема да останеме со празни раце, особено сега кога конечно имаме мегахит наслов кој Epic Games Store не го подари досега.
Иако првично беше кажано дека Epic Games Store ја подарува Death Stranding Director's Cut, продавницата сега ја нуди само со намалена цена. Не знаеме дали се работи за баг, но оние кои успеале да ја симнат пред да падне серверот ја имаат Director's Cut во колекцијата.