Во понеделникот стриминг сервисот Netflix на социјалните мрежи објави анимирана верзија на популарната серија „Stranger Things“.
Креаторите на серијата, браќата Дафер, најавија неколку претстојни спиноф проекти базирани на оваа научно-фантастична серија. Еден од проектите е дефинитивно анимирано издание, за кое браќата Даферс најавија дека ќе биде во духот на саботните утрински цртана серии.
„Отсекогаш сонувавме за анимирана верзија на 'Stranger Things' во духот на саботните утрински цртани што ги сакавме додека растевме. Да се види како се остварува овој сон беше апсолутно возбудливо“, велат браќата Дафер.
Netflix не откри многу детали за серијата и не откри никакви детали за заплетот. За серијата се задолжени аниматорот Ерик Роблеси и продуцентската куќа Flying Bark Productions.
Покрај анимираната серија, Netflix минатата година објави и планови за ненасловена акциона спиноф серија и сценска претстава „Stranger Things: The First Shadow“, која треба да започне со изведување оваа година.
Сепак, браќата Даферс нема да работат на нови проекти, бидејќи се обидуваат да го завршат сценариото за петтата сезона од серијата, која ќе се снима летово, а излегувањето е планирано за 2024 година.