Премиер лигата објави дека сите натпревари закажани за викемдов се одложени откако синбоќа почина кралицата на Обединетото Кралство на Велика Британија и Северна Ирска, Елизабета II.
Како нација, Обединетото Кралство продолжува да тагува за смртта на кралицата, на 96-годишна возраст. По веста дека денешните спортски настани се откажани, Премиер лигата објави дека натпреварите планирани да се играат овој викенд нема да се одржат според планираното. Фудбалската лига (Чемпионшип, Лиг 1 и Лиг 2) и женската Суперлига, исто така, изјавија дека претстојното коло од соодветните натпревари се одложени.
„На состанокот утринава, клубовите од Премиер лигата ѝ оддадоа почит на нејзиното височество кралицата Елизабета II. За да му оддадат почит на нејзиниот извонреден живот и придонес за нацијата, и како знак на почит, колото од Премиер лигата овој викенд ќе биде одложено, вклучително и натпреварот во понеделник вечер. Дополнителни известувања во врска со натпреварите во Премиер лигата за време на периодот на жалост ќе бидат соопштени во догледно време“, објави Премиер лигата.
Со оглед на тоа што погребот на кралицата ќе биде извршен на засега неодреден датум во наредните 10 дена, многу веројатно е дека топката на Островот нема да се тркала и наредниот викенд.
Календарот и онака веќе е доста натпрупан со Светското првенство во Катар ставено на сред сезона, па челниците на лигите ќе мора некако да најдат место за најмалку едно одложено коло. Веројатно сите одложени натпревари ќче бидат сместени мнекаде по Нова година.
Нареднава недела англиските клубови имаат натпревари и во европските натпреварувања, а челниците ќе инсистираат и на нивно одложување. Но, за тоа одлучува УЕФА. Ливерпул, Челси и Манчестер Сити треба да играат на домашен терен во Лигата на шампионите, како и Арсенал во Лига Европа.
Шкотска и Северна Ирска исто така ги одложија натпреварите од нивните лиги, додека засега нема информација од Велс за одложување таму.