Поранешната УФЦ шампионка Нико Монтањо заврши во болница откако наводно била физички нападната од ММА борачот Џастин Ватсон.
Монтањо во 2017 година стана УФЦ шампионка во мува категорија. На Instagram Story во неколку постови таа објави дека Ватсон ја нападнал во хотелска соба во Остин, Тексас. Потоа била префрлена со повреди во болница.
„Ватсон ме нападна, ми застана на врат и ме удираше со нога по глава. Потоа ме влечеше за косата и ме удираше по глава со ќошето од креветот. Успеав да побегнам, трчав гола низ ходниците и за среќа некој ме слушна и успеа да ме спаси. Среќа што сум силна и знам да се борам, па успеав да се одбранам“, го опиша таа непријатниот инцидент.
Нејзиниот менаџер Рики Контенстете за MMA Fighting потврди дека разговарал со Монтањо откако била хоспитализирана, организирајќи безбеден превоз од Тексас до нејзиниот дом во Ново Мексико.
Монтањо не објасни дали била во врска со Ватсон или тој провалил во нејзината соба.
