Македонската фудбалска репрезентација забележа пад од три позиции на јунската ранг-листа на ФИФА, како последица на лошите резултати во квалификациите за пласман на ЕУРО 2024.
Македонија прво среде Скопје загуби со 2:3 од Украина, иако на полувреме замина во водство од 2:0. Потоа замина за Манчестер каде беше избраниците на селекторот Благоја Милевски беа понижени од силната Англија губејќи со 7:0.
Македонија на денешното рангирање има 13 поени помлаку, односно 1.350, и се наоѓа на 68. место во светот, зад репрезентациите на Исланд, Зелен 'Рт, Албанија, Северна Ирска, Јамајка, итн.
Споредувајќи ги членките на УЕФА, Македонија е на 34. место, пред Црна Гора, Израел, Бугарија, Грузија, Луксембург, Ерменија, Белорусија, Казахстан, Косово, Естонија, Кипар, Азербејџан, Фарски Острови, Латвија, Литванија, Андора, Молдавија, Малта, Гибралтар, Лихтенштајн и Сан Марино.
На врвот нема промени - прв и натаму е светскиот шампион Аргентина, пред Франција и Бразил. Англија ја смени Белгија на 4. место, а Хрватска ја смени Холандија на 6. место. Во најдобрите 10 се и Италија, Португалија и Шпанија.
Најмногу напредуваше Казахстан, кој скокна 8 позиции, додека најмногу бодови освои Ерменија, 28,5. Најлошо месецов мина Велс, кој изгуби 32,9 бодови и падна 9 позиции. Најмногу натпревари одигра Мексико - 5.
