Веќе во првата недела од август стартува новата сезона во Премиер лигата, чија целосна жрепка беше направена денеска наутро во Англија.
Новата сезона во Премиер лигата започнува викендот од 5 до 7 август, што е една недела порано од претходната сезона, а тоа е смао поради есенскиот термин на Светското првенство во Катар.
Сезоната ќе ја отворат Кристал Палас и Арсенал во петок на 5 август, додека ден подоцна Ливерпул и Јирген Клоп ќе ги посетат повратниците во премиерлигашкото дружтво, тимот на Фулам. Уште еден повратник, Борнмут, ќе ја пречека Астон Вила, додека Нотингем Форест ќе игра против Њукасл во првиот настап во Премиер лигата.
Во сабота на 6 август ќе играат и Лидс - Вулверхемптон, Лестер - Брентфорд, Тотенхем - Саутемптон и Евертон - Челси.
В недела, на 7 август, Ерик тен Хаг ќе дебитира на клупата на Манчестер Јунајтед на домашен терен против Брајтон, додека актуелниот шампион Пеп Гуардиола и неговиот Манчестер Сити, засилен за Ерлинг Холанд, ќе му гостуваат на Вест Хем.
Моментално најголемото англиско дерби, она меѓу Сити и Ливерпул ќе се игра на 15 октомври на „Енфилд“ и 1 април на „Итихад“.
Последното коло пред заминувањето на играчите за Катар ќе биде 16-тото, закажано за 12 и 13 ноември. Сезоната ќе продолжи на 26 декември и ќе заврши на 28 мај.
Распоред за 1. коло сезона 2022/23:
Петок, 5 август:
Кристал Палас - Арсенал (21:00)
Сабота, 6 август:
Фулам - Ливерпул (13:30)
Борнмут - Астон Вила (16:00)
Лидс - Вулверхемптон (16:00)
Лестер - Брентфорд (16:00)
Њукасл - Нотингем Форест (16:00)
Тотенхем - Саутемптон (16:00)
Евертон - Челси (18:30)
Недела, 7 август:
Манчестер Јунајтед - Брајтон (15:00)
Вест Хем - Манчестер Сити (17:30)