Со натпреварите од третото коло во групата Г заврши првата фаза на Светското првенство во Катар, а сега и официјално се познати сите двојки од осминафиналето.
Првиот натпревар од оваа фаза се игра денеска, а се среќаваат Холандија и Соединетите Американски Држави, а од 20 часот играат Аргентина и Австралија.
В недела нè очекуваат два нови дуели, првиот од 16 часот го играат Франција и Полска, а потоа од 20 часот на терен ќе излезат фудбалерите на Англија и Сенегал.
Во понеделник од 16 часот се среќаваат Јапонија и Хрватска, а во вечерниот термин ќе играат Бразил и Јужна Кореја.
Осминафиналето завршува во вторник кога од 16 часот играат Мароко и Шпанија, а оваа фаза на Мундијалот во Катар со меч од 20 часот ќе ја комплетираат фудбалерите на Португалија и Швајцарија.
Сите двојки од осминафиналето и распоред на натпревари:
3 декември
Холандија - Соединетите Американски Држави (16 часот)
Аргентина - Австралија (20 часот)
4 декември
Англија - Сенегал (16 часот)
Франција - Полска (20 часот)
5 декември
Јапонија - Хрватска (16 часот)
Бразил - Јужна Кореја (20 часот)
6 декември
Мароко - Шпанија (16 часот)
Португалија - Швајцарија (20 часот)
