Шефот на HBO Max, Кејси Блојс, соопшти дека наскоро нема да ја гледаме новата сезона на „House of the Dragon“ и со тоа ги разочара обожавателите на серијата.
Гледачите ќе мора да чекаат повеќе од една година за да ги видат следните епизоди од популарниот спин-оф на „Game of Thrones“.
„Не очекувајте ја новата сезона во 2023 година, можеби ќе биде во текот на 2024 година“, изјави Блојс за Vulture.
Одби подетално да го прецизира точниот период на објавување.
„Само што почнавме да го правиме планот, но исто како и претходниот пат, има толку многу непознати работи. Не сакаме да бидеме таинствени или мистериозни, но ниту да кажеме ќе биде на тој датум, а потоа да го одложиме прикажувањето“, изјави Блојс.
Дејството е направено според книгата „Fire & Blood“ на Џорџ Мартин. Се одвива 300 години пред настаните од оригиналната серија „Game of Thrones“, а акцентот е поставен на куќата на Таргарјен.