Одлична идеја за вкусна вечера која ќе му се допадне на целото семејство. Само изрендајте ги компирите и додадете сланина, кромид и домати.
Компирот е една од најомилените намирници која има широка примена во кулинарството. Од него може да се прават најразлични јадења, а вака подготвениот компир најмногу потсетува на пекарски компир. Ако таков ви се допаѓа, ќе ви се допадне и овој. За него нема да би биде потребна тава бидејќи се пече во рерна, а на крајот се посипува со кашкавал, кој му дава додатен шмек. Подготовката е многу едноставна, а ќе им успее и на оние кои никогаш претходно не готвеле.
Потребни состојки:
- 1 кг компири
- 1 црвен кромид
- 15 чери домати
- 2 јајца
- 100 гр сланина
- 80 гр кашкавал
- сол
- бибер
- лута пиперка
- оригано
- магдонос
- маслионово масло
Подготовка:
Компирите сварете ги, па излупете ги и изрендајте ги. Додадете ги јајцата и зачините и добро соединете. Ставете во огноотпорен сад и убаво израмнете. Печете на 180°C околу 35 минути. За тоа време пропржете го кромидот исечен на ленти, како и ситно сечканата сланина, а по две минути додадете ги и сечканите чери домати. Извадете ги компирите од рерна и одозгора додадете ги сланината, кромидот и доматите. На крајот посипете со кашкавал и вратете во рерна на уште 10-15 минути.