Целосно нови варијанти на овид може да се појават оваа зима, соопшти агенцијата за лекови на Европската Унија, но постоечките вакцини би требало да ги заштитат луѓето од тешка форма на болеста и смрт.
Додека ЕУ се подготвува да започне кампања за вакцинација пред бранот нови случаи на коронавирус подоцна оваа година, Европската агенција за лекови (ЕМА) нагласи дека вирусот сè уште циркулира и брзо се развива.
„Може да има сосема нова варијанта што не можеме да ја предвидиме денес“, рече шефот за вакцини на ЕМА, Марко Кавалери, на прес-конференција во петокот.
Затоа европската стратегија е да има широк спектар на ажурирани вакцини кои се приспособени да одговорат на новите варијанти.
ЕМА неодамна одобри вакцини од Pfizer-BioNTech и Moderna кои се приспособени да се борат со подваријантата BA 1 omicron.
Верзијата на Pfizer ажурирана за доминантните соеви BA 4 и 5 треба да биде одобрена во средината на септември, додека слична вакцина на Moderna, исто така е во подготовка, пишува Aljazeera.