Либискиот премиер Абдулхамид Дбеибaх преживеал атентат откако кон него било пукано од возило додека се враќал дома со автомобилот. Инцидентот се истражува, а премиерот минал без повреди.
Ако се потврди обидот за атентат, кризата за контрола над Либија би можела дополнително да се влоши, пишува Reuters.
Дбеибах најави дека ќе го игнорира гласањето планирано за денес во парламентот.
Аналитичарите стравуваат дека тоа може да доведе до сценарио на паралелни влади во таа земја, поделена на западна и источна фракција.
Дбеибах беше поставен за челник на владата на Националното единство (GNU) и требаше да ја води државата до гласање за претседателски избори.
