Сопругот на кралицата Елизабета е страствен поборник за вонземјани и НЛО и тоа поради еден необичен настан кој се случил во далечната 1955 година.
Братанскиот принц Филип, познат како Војводата од Единбург, денес има 99 години и повеќе од половина од својот живот е опседнат со теориите за постоење на вонземски живот и дека суштества од друга планета ја посетуваат Земјата.
Причината за неговата пасија е инцидентот за кој Лордот Луис Маунтбатен напишал официјален извештај во кој опишал необична средба со вселенски брод на својот имот. Инаку, Лордот Маунтбатен е вујко на Филип и втор братучед на кралицата Елизабета.
„Г-дин Бригс сѐ уште беше вџашен и кога првпат го видов беше загрижен дека никој нема да му верува. Сепак, тој објасни дека никогаш не верувал во приказните за летечки чинии и беше навистина стаписан од она што го видел“, стои во официјалниот извештај на Лордот Маунтбатен.
Настанот се случил на кралскиот имот во местото Ромси во Хемпшир. Еден од вработените пријавил кај Лордот Маунтбатен дека вселенски брод со сребреникава боја се спушил на имотот. Маунтбатен тогаш имал 55 години и бил адмирал на кралската морнарица, односно човек кој не би си ја ризикувал неговата репутација со нешто во кое не верувал.
Принцот Филип во неколку наврати барал од министерството за одбрана да му бидат дадени на увид документи за „блиски средби“ кои биле запечатени како „тајна“. Дали ги добил на разгледување, не е познато.
Изминатово лето 99-годишниот Филип го минал читајќи ја книгата „The Halt Perspective“, која го истражува случајот познат како „Британскиот Розвел“. Имено, во декември 1980 година во шумата Рендлшем двајца американски војници од Вудбриџ воздухопловната база во Англија пријавиле летечка чинија спуштена во шумата на која имало испишан текст со писмо налик на хиероглифи.
Секретарот на кралското семејство, бригадирот Арчи Милер-Бејквел, кога Филип на подарок добил примерок од „Haunted Skies: The Encyclopedia of British UFOs“ рекол: „Неговото Височество ќе ја стави книгава во неговата колекција... Сосема сум сигурен дека со задоволство ќе го направи тоа“.
