Утрово во земјава пристигнаа 20.000 вакцини на AstraZeneca, донација од Република Хрватска.
Вакцините веќе од следната недела ќе бидат дистрибуирани по вакциналните пунктови низ земјата. Ова е втора донација на вакцини AstraZeneca, од страна на хрватската Влада.
На почетокот од месец јули донација од 10.000 вакцини, донесе министерот за надворешни и европски работи на Република Хрватска, Гордан Грлиќ Радман.
Министерот за здравство Венко Филипче изразува голема благодарност до хрватската Влада за овој чин на солидарност.