Актуелниот тренер на Пари Сен-Жермен, Кристоф Галтје, и неговиот син Џон Валовик-Галтје, денеска се приведени под обвинение за расизам, јавуваат француските медиуми.
И двајцата се уапсени во Ница, каде го направиле наводниот грев за кој се пишуваше во април, кога во медиумите се појави мејл од поранешниот спортски директор на Ница, Жулјан Фурнје.
Во него, Фурнје го информирал супервизорот Дејв Брејлсфорд дека Галтје постојано му велел како еден фудбалски тим не треба да има толку многу црнци и муслимани во своите редови.
Синот на Галтје е обвинет бидејќи тој прв му кажал на Фурнје дека таквата ситуација е неодржлива.
„Тој ми ја објасни неподносливата ситуација велејќи: 'Жулјан, не функционира. Не разбираш, татко ми синоќа плачеше“. Го прашав за што се работи, а тој ми објасни: 'Овој тим не го одразува него и не можеме да продолжиме вака'. Го замолив да објасни дополнително за да разберам, а тој ми рече: 'Си составил тим од ѓубриња'“, се вели во мејлот на Фурнје.
Франција беше шокирана кога се објави мејлот, особено затоа што беше исполнет со слични изливи.
Засега Галтје е само осомничен и е повикан да даде изјава откако пред него веќе сведочеа многу луѓе, а тој категорично негираше дека е виновен.
Од минатиото лето Галтје седи на клупата на ПСЖ, а ова се случило претходната 2021/2022 сезона кога ја водеше Ница.