Снимката споделена на интернет го открива моментот кога водителката на SET News реагира среде најголемиот земјотрес во Тајван во последните 25 години.
За време на пренос во живо се случил земјотресот со јачина од 7,4 степени според Рихтеровата скала, а водителката морала да се снаоѓа додека сѐ се нишало околу неа.
Сепак, таа импресионираше со својата реакција и професионалност, откако продолжи да известува дури и кога делови од таванот паднаа до неа.
Покрај парчињата од таванот се нишаа и светлата додека таа известуваше во живо, а снимките покажуваат и како сѐ се лула во редакцијата. Таа во еден момент едвај одржуваше рамнотежа, но продолжи да им ги пренесува вестите на оние што гледале на телевизорите.
На социјалните мрежи ја пофалија за решеноста да не ја прекинува веста и напишаа дека треба да добие покачување.
„Импресиониран сум од репортерката која продолжува да зборува иако сè се тресе! Тоа е страшно“, е еден од многуте пофални коментари.
Сепак, имаше и такви кои сметаа дека нејзината одлука не е толку паметна со оглед на тоа што таванот над неа се тресел, наведувајќи дека можела да настрада.
