Кога хаосот е дел од нашето секојдневие, тоа може негативно да се одрази на менталното здравје.
Психолозите советуваат што треба да направите и што да промените за да ги намалите стресот и нервозата во секојдневието.
Кога станува збор за нередот во домот, може да го опишеме како хаос што се наоѓа во плакарите, кујната, дневната соба и слично. Многу често се случува луѓето на такви места да насобираат непотребни работи. Физички неред може да имате и на работа. На пример, работното биро ви е преполно со натрупани документи, непотребен прибор, книги кои немате намера да ги прочитате.
Ваков неред дозволуваме поради недостиг на време, а и во доста случаи, поради немање одредено место за предмети, па се натрупуваат. Истражувањата покажуваат дека трајното нарушување во вашата околина може негативно да влијае на вашата способност за фокусирање и обработка на информации.
Научници од Принстон докажаа дека физичкиот неред во вашата околина „моли“ за ваше внимание, што дополнително го зголемува стресот.
Потиснувањето емоции, неуспесите, нерешените проблеми, дилемите или чувствата кои ги чувате во себе, доведуваат до емоционален неред. Последица на тоа често е неможноста за препознавање на емоциите кои ги имате кон себе и неможноста на изразување на вашите чувства кон другите, победете ги стравот и фокусирајте се на сегашноста.
Доколку собирате непотребни дигитални датотеки како мејлови, фотографии, документи, тогаш сте соочени со дигитален неред. Ова ниво на неред често може да доведе до нервоза, а потоа и до стрес.
Дигиталниот неред дава лажно чувство на сигурност. Секогаш мислиме дека на тој начин полесно ќе пронајдеме нешто, но всушност само натрупуваме податоци, поради што стануваме понервозни.