Времето денеска ќе биде поменливо облачно со локални врнежи од дожд.
Претпладне ќе дува слаб до умерен ветер од јужен правец, кој од пладне ќе го промени правецот во северен и долж Повардарието повремено ќе засилува.
Минималната температура ќе биде во интервал од 3 до 9, а максималната ќе достигне од 10 до 16°C, јавува УХМР.
Во Скопје претежно облачно со повремени врнежи од дожд. Ќе дува умерен, повремено засилен ветер од северен правец. Минималната температура ќе се спушти до 5, а максималната ќе достигне до 12°C.
Во првите два дена од новата седмица ќе има преодно стабилизирање на времето, а нов влажен бран со врнежи од дожд, а на планините од снег се очекува во среда и четврток.
