Ако бевте големи фанови на „Big Little Lies“ и „The Undoing“, креаторите на овие две серии имаат нова серија што ќе ви стане опсесија.
Во „Nine Perfect Strangers“ повторно заедно работат Дејвид Е. Кели, Никол Кидман и авторката Лиен Моријарти, создавајќи нова авантура работена по книга.
Дејството се случува во ексклузивен, елитен ресорт за богати луѓе Tranquillum House, далеку од цивилизацијата, каде на девет избрани посетители им се ветува „исцелувачко и трансформативно искуство“.
Токму тука почнуваат драмата и мистеријата.
Покрај Кидман, во серијата играат и Мелиса Мекарти, Мајкл Шенон, Лук Еванс, Реџина Хол, Боби Канавале, Самара Вивинг, Мелвин Грег, Мани Хасинто, Ашер Кеди, Грејс ван Патеб Тифани Бун.
Првите осум епизоди од „Nine Perfect Strangers“ ќе бидат премиерно прикажани на Hulu на 18 август.