„Јас не го создадов овој проблем. Се обидувам да ви помогнам да се справите со него“.
Netflix го објави првиот официјален трејлер за серијата The Gentlemen во режија на Гај Ричи што ќе почне да стримува во март.
Новата британска драмска серија е инспирирана од оригиналниот филм од 2019 година. Еди Халстед наследува голем имот од таткото, несвесен дека е параван за нарко империјата на Пирсон. Без искуство со криминал, тој мора да ја преземе операцијата или да го изгуби имотот.
Реј Винстон го глуми Боби Глас, закоравен криминалец од лондонски Ист Енд, кој основал империја за индустриски канабис.
Во актерската екипа се вбројуваат и Каја Скоделарио како Сузи Глас, елегантната и челична ќерка на Боби која без напор ја води секојдневната работа на империјата; како и Даниел Ингс, Џоли Ричардсон, Вини Џонс, Џанкарло Еспосито, Шанел Кресвел, Мајкл Ву, Макс Бисли, Јасмин Блекбору, Хари Гудвинс, Дар Салим, Пирс Квигли, Руби Сир, Питер Серафинович.
Серијата The Gentlemen ќе почне да се стримува на Netflix од 7 март 2024 година.