Познатиот англиски фудбалер и сопственик на американскиот клуб Интер Мајами, Дејвид Бекам, отпатува во Катар за да ужива на Мундијалот и да се обиде да најде засилување.
Бекам го гледаше мечот на кој Англија го победи Иран, но не е во Катар само за да ги гледа натпреварите, да учествува на разни настани на ФИФА и да ги рекламира брендовите чии амбасадор е, но и поради работата поврзана со неговиот клуб.
Најважната цел е да се договори со аргентинскиот репрезентативец Лионел Меси, кого сака да го доведе во Интер Мајами по истекот на договорот со ПСЖ во јуни 2023 година.
Сепак, популарниот Бекс го чека тешка задача бидејќи ПСЖ сака да го продолжи договорот со Меси, што го покажа спортскиот директор на Париз, Луис Кампос.
Од друга страна, Меси не сака да избрзува, па ќе почека до крајот на Мундијалот за да донесе одлука за својата иднина. Бекам многу сака да го види Аргентинецот во Мајами, но и би бил среќен доколку го доведе Португалецот Кристијано Роналдо.
Доколку Бекам успее во својот план и договори доаѓање на барем еден од споменатите фудбалери, тоа би било огромно засилување за тимот на Интер Мајами.