Рускиот претседател Владимир Путин предупреди дека озлогласените руски ракети Сатана II ќе бидат употребени во Украина во блиска иднина.
Синоќа, за време на говорот на церемонијата по повод завршувањето на воената обука во Кремљ, тој предупреди дека „специјалната операција во Украина ѝ даде на руската армија непроценливо искуство“. Сатaнa II, првично наречен Сармат, може да носи до 16 нуклеарни боеви глави и има домет од 18.000 километри.
Секој од проектилите може да биде насочен кон различна цел, а боевите глави имаат моќност до 750 килотони. На пример, бомбата фрлена врз Хирошима имаше моќност од 15 килотони, значи 50 пати послаба од боевата глава Сармат.
Станува збор за ракета која може да стигне до Велика Британија за само три минути, пишува „Дејли мејл“.
„Во блиска иднина Сармат ќе биде ставен во борбена должност, а се обновуваат арсеналите на авијациските и поморските компоненти на стратешките нуклеарни сили“, рече тој.
Ова не е првпат Путин да најавува распоредување на Сармат – истото го најави пролетта 2022 година кога најави нивно воведување во војната во Украина до крајот на годината, но тоа не се случи, а некои извештаи покажуваат дека се одржа и пробно лансирање во февруари, кое завршило неуспешно.
