По повод Денот на националното единство, претседателот на Русија се сретна со руски историчари со кои разговараше за историјата на Русија, како и за актуелните проблеми и војната во Украина.
Во текот на разговорот Путин рече дека е исклучително важно руските граѓани целосно да го познаваат руското минато, и блиското и подалечното.
„На Запад многу работи ги одредуваат либералните околности. За да им се допадне, многу историски настани се прикажуваат наопаку, а вистината се поништува“, рече Путин.
Потоа се осврна на војната во Украина, за што уште еднаш го обвини Западот.
„Западот ја преобликува свеста на милиони луѓе во Украина, им наметна псевдовредности, обидувајќи се да го активира фитилот што ќе доведе до колапс на Русија. Пред очите на една генерација, Украина се претвори од просперитетна република во диктатура која го негува злобниот антируски наратив на западните режими. Сегашната ситуација е самоубиствена за народот на оваа земја, но и смртоносна за Руската Федерација“, рече рускиот претседател.
Истакну дека конфликтот со, како што наведува Путин, „неонацистичкиот“ режим во Украина бил неизбежен.
„Руската борба со неонацистичкиот режим што се појави на територијата на Украина беше неизбежен. Доколку во февруари не беа преземени соодветни дејствија, сè ќе беше исто, само нашата позиција ќе беше полоша“, истакна Путин.
Во разговор со историчарите се осврна и на историјата на односите меѓу Русите и Украинците.
„Русија отсекогаш се однесуваше срдечно кон народот на Украина. Така се однесуваме кон нив сега, и покрај трагичната конфронтација. Тешко е да се забележи дека една нација се бори против друга. Всушност, конфликтот се одвива во една нација, исто како што беше по државниот удар во 1917 година“, заклучи рускиот претседател Владимир Путин.
