Серијата „The Queen’s Gambit“заврши по една сезона на Netflix во ноември, а гледачите се надеваат на продолжение на приказната за Бет Хармон.
Серијата беше доста успешна и логично би било да се обнови за втора сезона, но извршниот продуцент Вилијам Хирберг јасно стави до знаење дека нема да има втора сезона.
„Убаво е да се знае дека луѓето ја сакаат серијата и сакаат да минат повеќе време со овие ликови, но тоа никогаш не го замисливме така. Сметаме дека серијата има задоволителен крај и дозволивме публиката да го пополни просторот за тоа што понатаму се случува со Бет Хармон. Ништо не се промени, и покрај тоа што обожавателите бараат повеќе. Скот и јас сме навистина среќни поради целосната приказна за Бет“, напиша Хорберг.
Во првиот месец од прикажувањето на Netflix, серијата ја гледаа 62 милиони гледачи, што ја прави најголемата мини серија досега.
Ања Тејлор-Џој освои Златен глобус за најдобра актерка во мини серија. Запрашана дали повторно би ја репризирала улогата, таа одговори:
„Можеби. Не сакам да разочарам никого, но никогаш не помисливме на тоа. Во серијата го гледате нејзиниот лик како расте, останува на добро место. Па, искрено бевме изненадени кога луѓето почнаа да прашуваат каде е втората сезона“, вели Ања.
