На дождливото попладне денеска се одиграа осминафиналните натпревари во Купот на Македонија.
Најинтересно беше во скопската населба Ново Лисиче каде Работнички ја пречека Шкендија и успеа да слави со 3:2, резултат кој го однесе во четвртфиналето и притоа исфрли еден од претендентите за тронот.
Актуелниот куп шампион, екипата на Македонија ЃП, со минимални 1:0 славеше кај Вардар, згаснувајќи ја надежта на најтрофејниот клуб дека преку Купот може да излезе во Европа.
Брегалница беше немилосрдна со единствениот третолигашки претставник, струшки, Јанг Тим, торпедирајќи го со дури 11 голови.
Лигашкиот шампион Струга се сопна во Охрид кај Воска Спорт и доживеа елиминација по изведувањето на пенали.
Во Купот сега останаа само прволигашки екипи откако сите останати денеска беа елиминирани. Најблиску да остане во игра беше битолскиот второлигаш Пелистер, но прими доцен гол од Тиквеш.
Резултати:
Вардар (2) - Македонија ЃП (1) 0:1
63' Алтин Алији
Брегалница (1) - Јанг Тим (3) 11:0
2', 8', 19', 47', 70' Иван Глигоров, 11' Ѓорѓи Ѓорѓиев, 35' Петар Колев, 41', 81' Соломон Кинг Канформ, 79' Роналдо Ромарио Вебстер, 83' Димитриј Димитриевски
Работнички (1) - Шкендија (1) 3:2
9' Влатко Стојановски, 48' Марселин Гандо, 59' Атде Мазари - 17' Клисман Цаке, 43' Дашмир Беари
Силекс (1) - Башкими 1947 (2) 3:2
10', 13' Антонио Каланоски, 48' Дарко Анѓелески - 64' Бурхан Алији, 85' Мергим Љутфиу
Пелистер (2) - Тиквеш (1) 0:1
86' Даниел Мојсов
АП Брера Струмица (1) - Гостивар (1) 0:0 (5:4 пен.)
Шкупи (1) - Охрид Лихнидос (2) 4:0
17' Дуду Сампају, 75' Кристијан Трапановски, 86' Кевен, 90' Марио Младеновски
Воска Спорт (1) - Струга (1) 0:0 (4:1 пен.)
Четвртфиналните натпревари се закажани за 8 ноември. Претходно ќе биде направена и жрепката.
