Радикален пресврт во Барса: Чао Меси, сѐ најдобро

Шпанските медиуми веќе извесно време известуваат дека Лионел Меси ги договорил сите услови за соработка со Барселона и дека ќе потпише нов петгодишен договор со клубот.

Но, пред 10 минути Барса излезе со радикален пресврт: Меси нема да остане во Барселона.

Во објавата на социјалните мрежи, од клубот велат дека иако постигнале договор  и имало јасна намера денеска да се потпише нов договор, тоа не може да се случи поради „финансиски и структурни пречки“, наведувајќи ги регулативите на шпанската Ла Лига.

„Како резултат на оваа ситуација, Меси нема да остане во Барселона. И двете страни длабоко жалаат што желбите на играчот и на клубот на крај нема да се исполнат. Барселона со цело срце му изразува благодарност за неговиот придонес кон градењето на клубот и му посакува сѐ најдобро во иднина, како во личниот, така и во професионалниот живот“, стои во кратката, нејасна порака.