Раперот Нели наиде на критики поради неговиот коментар што го остави под фотографија објавена од Мадона.
„Некои работи треба да бидат покриени“, напиша раперот во коментар, сугерирајќи дека пејачката треба да си го покрие задникот.
Коментарот наиде на осуди кај обожавателите на Мадона.
„Немој да пееш за голи девојки, а потоа тоа да го критикуваш. Нели, ти си дволичен“, гласи еден од коментарите.
Не е првпат славните да коментираат за Мадона. Раперот Фифти Сент неодамна исмеа нејзина фотографија во која пејачката е во долна облека.
„Ова е премногу смешно. Мадона се обидува да биде девица на 63 години“, напиша Фифти Сент.
Мадона не му остана должна и веднаш му возврати, објави нивна заедничка фотографија од 2003 година.
„Еве го Фифти Сент кој се преправа дека ми е пријател“, напиша пејачката на Инстаграм стори.
„Сега сте одлучиле за мене да зборувате потсмешливо. Претпоставувам дека вашата нова кариера е привлекување внимание обидувајќи се да ме понижите на социјалните мрежи. Најлошиот избор кој може да го направите како уметник и возрасна личност“, порача Мадона.