Шведскиот напаѓач Златан Ибрахимовиќ беше многу возбуден и среќен во пресрет на натпреварот против Интер во Лигата на шампионите, но откако неговите соиграчи рано примија два гола, тој беше фатен на камера како во неверување се држи за главата.
Ибрахимовиќ зад себе дефинитивно има сезона за заборав и веројатно најлошата во неговата богата кариера, а откако минатата година имаше операција на коленото и беше надвор од терените до крајот на февруари годинава, одигра само 5 натпревари и доживеа уште една повреда, па ова сезоната за него е завршена.
Тој синоќа од трибините на стадионот „Џузепе Меаца“ го следеше натпреварот на неговите соиграчи против Интер, а иако беше многу расположен и возбуден пред почетокот на мечот, и во друштво на Новак Ѓоковиќ, Франко Барези и Марио Балотели, тоа се промени веќе по првите 11 минути откако Џеко и Мхитарјан постигнаа два брзи гола за „Нераѕурите“.
Откако го примија вториот гол, камерата веднаш се фокусираше на Ибрахимовиќ, а неговата реакција дефинитивно беше слика и прилика на сите фанови на Милан ширум светот.
Се фати за глава, се гледаше дека тешко постигнува гол од поле и дека не може да поверува каков кошмар доживеаја неговите соиграчи на самиот почеток од натпреварот.
На крајот Интер славеше со 2:0 и направи голем чекор кон финалето од Лигата на шампионите. Реваншот се игра веќе во вторник, а овој пат како домаќин на истиот стадион ќе фигурира Интер.